Малiтвы вячэрнiя - 16 Малітва святога Іаана Дамаскіна - текст песни, слова, перевод, видео

Уладару Чалавекалюбны, ці не цяпер ужо ложа гэтае мне будзе труною? Ці няшчасную маю душу Ты асвятліш яшчэ святлом дня? Вось, труна перада мною стаіць; вось, смерць чакае мяне. Суда Твайго, Госпадзі, я баюся, і мукі бясконцай, але зла рабіць не перастаю: Цябе, Госпада Бога майго, я заўжды гняўлю, і Прачыстую Тваю Маці, і ўсе Нябесныя сілы, і святога Ангела ахоўніка майго. Ведаю, Госпадзі, што няварты я чалавекалюбства Твайго, а варты ўсялякага асуджэння і мукі. Але, Госпадзі, хачу я ці не хачу – спасі мяне. Бо калі праведніка Ты спасеш, няма тут нічога вялікага, і калі чыстага памілуеш, няма нічога дзіўнага, бо яны вартыя міласці Тваёй. А вось на мне грэшным праяві дзіўную міласць Тваю, у гэтым пакажы чалавекалюбства Тваё, і няхай мая заганнасць не перавысіць Тваёй невымоўнай добрасці і міласэрнасці, і як Ты хочаш, так упарадкуй жыццё маё.